జుక్కల్ కేజీబీవీలో ఆశిష్ సాంగ్వాన్ సందడి.. పిల్లల పక్కన కూర్చుని ముచ్చట్లు!
జుక్కల్, మార్చి 20 (V59 News): మన కామారెడ్డి జిల్లా కలెక్టర్ ఆశిష్ సాంగ్వాన్ గారు శుక్రవారం నాడు జుక్కల్ మండలంలో గట్టిగ పర్యటించిండ్రు. ‘ప్రజాపాలన’ ఎట్ల నడుస్తుంది? సర్కారు పనులు ఎక్కడి దాకా వచ్చినయి? అని తెలుసుకునేందుకు సబ్ కలెక్టర్ కిరణ్మయి గారితోని కలిసి ఊర్లల్ల తిరిగిన్రు.
ఇందిరమ్మ ఇండ్లు జల్దీ పూర్తి కావాలె!
ముందుగాల జుక్కల్ మండలంలో కడుతున్న ఇందిరమ్మ ఇండ్ల కాడికి పోయిండ్రు. లబ్ధిదారులు ఇండ్లు ఎట్ల కట్టుకుంటున్నరు? సిమెంటు, ఇటుకలు మంచిగ వాడుతున్నరా? అని అడిగి తెలుసుకున్నరు. “పనులు ఆగద్దు.. జల్దీ పూర్తి చేసి పేదోళ్లను కొత్త ఇండ్లలోకి పంపించాలె” అని అధికారులకు గట్టిగ చెప్పిండ్రు.
ఆక్సిజన్ పార్కులో పైర్ల ముచ్చట
అక్కడి నుంచి ఆక్సిజన్ పార్కుకు పోయి.. చెట్లు ఎట్లున్నయి? ప్రజలకు ఏమేం సౌకర్యాలు ఉన్నయి? అని చూసిండ్రు. పార్కు అద్దం లెక్క మెరవాలని, మొక్కలను కంటికి రెప్పలెక్క కాపాడాలని సూచించిండ్రు.
కేజీబీవీలో సడన్ ఎంట్రీ.. సాంబార్ బువ్వతో భోజనం!
అసలు ముచ్చట ఏందంటే.. కేజీబీవీ (KGBV) బడికి కలెక్టర్ సాబ్ సడన్ గా పోయిండ్రు. పిల్లలకు పెట్టే బువ్వ ఎట్లుందో చూడాలని వంట గదిలోకి వెళ్లి పరిశీలించిండ్రు.
ఈ రోజు మేనూలో ఏముందంటే: క్యారెట్ కూర, సాంబారు, టమాట చారు, కోడిగుడ్డు, గడ్డ పెరుగు, పైన నెయ్యి!
ఆహార నాణ్యత చూసి సంతృప్తి చెందిన కలెక్టర్ సాబ్.. వెంటనే కుర్చీ వేసుకుని పిల్లల పక్కన కూర్చున్నరు. వారితోని కలిసి సాంబార్ బువ్వ తింటూ.. “చదువు ఎట్లుంది? బడిలో వసతులు బాగున్నయా? ఏమన్న కష్టాలున్నయా?” అని ప్రేమగా అడిగి తెలుసుకున్నరు. కలెక్టర్ సాబ్ అంత పెద్ద ఆఫీసర్ అయ్యుండి కూడా తమ పక్కన కూర్చుని ముచ్చట్లు చెప్తూ బువ్వ తినేసరికి పిల్లలు మస్తు ఖుషీ అయిన్రు.
ఈ ప్రోగ్రామ్ లో పీడీ హౌసింగ్ విజయపాల్ రెడ్డి, డీఈఓ రాజు, డీపీవో మురళి, తహసిల్దార్ తోని పాటు మరికొందరు అధికారులు పాలుపంచుకున్నరు.
